قصيده لشاعر ابراهيم المرحبي رحمه الله

أيـه أنـا مهمـا تأخـر موعـدي = مركبـي قـادم مـع أول صـبـاح
رحت أنا للشمس وحصان اجـودي = أسبـق الأيـام وأحلامـي جنـاح
ماسبقني غيـر هالجـرح النـدي = رفـرف وفـرّش جناحـه للريـاح
ماسألت النـور يشـرق وابتـدي = ميـر فـز النـور قـدامـي ولاح
والطريق الوعـر ماهـد اجهـدي = يوم غيري من دروب الشوك شاح
شاعري مجنـون مثلـي سرمـدي = شاعري في حضرة الشمس استراح
وصاح هيّـا ياضلوعـي غـردي = واعزفي للشمس اهازيـج الجـراح
واصدحي لربع جهاتـك وانشـدي = وفضفضي للشمس هالعمر انفتـاح
الزمـان الصعـب يحفـظ مولـدي = والمكان الحد عطـري فيـه فـاح
جيت انا للمعركـة واللـي بيـد ي = أغنيـه بيضـا وأشواقـي سـلاح
بـس والله ماتراخـى سـاعـدي = خضتها واعطيت صـدري للرمـاح
وانتصرت وضاع علـم المعتـدي = وفـالنهايـة رد يسألنـي السمـاح
اصطفق يامـوج يادنيـا ارعـدي = هذانا قـادم مثـل نـور الصبـاح
اغنيات الشمـس والنـور بيـدي = وللمطر والعشب فـشفاهي بـراح

رحمه الله رحمة واسعه