قصيده لشاعر ابراهيم المرحبي رحمه الله

يمه أدري...الجوع ذبّاح الرجال=وأدري إنه هالخوي ما هو سوي
وأدري إنه هالعمر خبز وريـال=يابعدي" وأدري زمانـي نخبـوي
وأدري إن الجوع ما به راس مال=بس أنا والجـوع يمـه نستـوي
له مواسم عشب فيني...واحتفـال=له مطر يهمي فصدري وارتـوي
ينزرع فيني ثقـة حـد الهبـال=كلما شفـت الأماني.....تنـزوي
ينتزع حزن ٍ تجثـم بـي ليـال=له زمن يمه فصـدري منطـوي
ينتزع للصمت ثـورة وانفعـال=والبكا دمعة ف..جفني تنضـوي
ينتزع صرخة..فحلقـي للجمـال=صرخة تملا الكون يا يمـه دوي
وهذا أنا كلي على بعضي خبـال=طفل متمرد وشاعـر فوضـوي
مانبت للفقـر فشفاهـي سـؤال=يمه لو يشوي محاديبـي شـوي
للعطش في شفتـي غيـم وزلال=والجدب في بحتي حلـم بـدوي
لو هوت شمس العمر نحو الزوال=تنطفي الدنيا وشمسي ما تهـوي
يبقى لحن الجوع للعمر اشتعـال=كلما غنيت أحـس إنـي قـوي